Lee Rose///Yah Suh Nice

Gimi heart
Gimi soul
Feed mi water outa calabash bowl
Far a far wi deh come
A near wi deh guh
Mek way
Mek room
Fimi rest mi ears
Rest weary bones
Shoot camera off drones
I tired of the gasping for breath
Dem spin wi inna outcast net
Tief all wi air
Clouded by fear
Blowing army web roun wi head
Lef wi fi dead
But here we stand
Pulling home together any weh wi lan
Continent
Coast
Island to island
Wi tan up firm
Inna black style and patan
What a bam bam
Now you tell me
Who di bastard be
The mother or di baby
Out a di bath wata
Stop di search far pupa and muma
Hold mi
Hold wi
Remove mongrel garments
Mek more room eena mi spiritual apartment
And shut down all policing
From "pedigree"
Here we di prodigal diety
Cyah burry holy inna cemetery
Know royalty
When yuh si wi
Si and blind
Hear and deaf
Far in death we still woke
Dripping in finesse
Of the finest brass and beads
Spreading in womb the chosen seeds
Birthing never limited to class or creed
We dat breed
Di rude boi and gyal
Down a Manuel Road
Di Ras-I child
Nah bruk nuh more rock stone
But wi resting
Rejoycing
Eat til belly bus
Laughing is di only space wi groan
Here we no longer mourn
Far di sun warm
And ackee deh open
Wi tan up proud
Firm
Tall like di breadfruit tree dem
Supple as the rivers
Wi cruise into sea
See wi yah
Wi been deh come
Knock pan
Mek niose
Celebrate
Far Celebration be di only ting lef
Yah suh adi best
Yaad sweet sweet
Wi blood same same
Wi of di highest acclaim
Ring wi and meet the black berry juice
Wah come outa yous
Come outa we too
Ain't nothing hanging here
Nothing but a welcome home sign
Kisses rooted in truth
Reminders affirming
I ain't no strange fruit

x Lee Rose